Geskiedenis van Laerskool Helderkruin
Ons Reis
Van Kleine Spore tot Groter Drome
Iets besonders begin
Die administratiewe afdeling open sy deure met Mnr. H.J.P. Duvenhage as waarnemende hoof en Tannie Martha aan die ontvangs.
Die eerste span personeel
Mnr. J.K. du Toit lei 13 dapper onderwysers die eerste skooljaar in — die Kruiner-familie begin groei.
388 leerders stap in
Die heel eerste skooldag van Laerskool Helderkruin. 388 kinders loop met blink oë by die deure in.
Eerste permanente hoof
Mnr. H. Meyer word aangestel en neem die leisels stewig vas. Die dameskomitee ontwerp die eerste skooldrag.
135 Graad-eentjies
Ons Graad 1-klasse groei uit tot 135 nuwe Kruinertjies per jaar. Die familie word al hoe groter.
Gevestigde baken
Laerskool Helderkruin staan trots as 'n gevestigde baken van geloof, integriteit en liefde — waar elke kind reik na die Kruin.
Kleine Koedoe & Kruiner Koedoe
’n Kruiner-storie van groei, geloof en groot drome
Ver aan die voet van Helderkruin is ’n klein koedoe-kalfie gebore – blinkoog, nuuskierig en vol lewenslus. Sy naam? Kleine Koedoe.
Kleine Koedoe is nie sommer enige kalf nie – hy is gebore uit liefde: die droom van ’n skool waar kinders veilig en sterk kan grootword, waar hulle kan leer om te Reik na die Kruin.
Kleine Koedoe
Kleine Koedoe leer om te deel, te speel, te vra en te ontdek. Hy het nog nie horings of strepies nie – net 'n oop hart en 'n liefde vir leer.
- Deel en speel
- Vra en ontdek
- Eerste letters en getalle
- Liefde vir leer
Kruiner Koedoe
Soos hy groei, verdien hy met elke graad 'n nuwe strepie. Teen Graad 7 het hy sy driedubbele kroon: volheid, volwassenheid, voorbereiding.
- Lees, skryf, spanwerk, geloof (Gr 1–4)
- Leierskap, karakter, integriteit (Gr 5–7)
- Horings wys trots
- Gereed om die Kruin te bereik
Ons Erekode
Respek
Ek het respek
Vir myself en ander. Ek luister wanneer iemand praat, en ek behandel elkeen met waardigheid.
Eiendom
Ek respekteer eiendom
Ek sorg vir my eie dinge en vir dié wat aan ander behoort. By Helderkruin pas ons mekaar se wêreld op.
Gelykheid
Ek diskrimineer nie
Ons is almal Kruiners. Kleur, taal, gawe of agtergrond maak nie saak nie – elkeen hoort hier.
Trots op Werk
Ek is trots op my werk
Ek gee my beste, ook wanneer dit moeilik is. My werk wys wie ek is.
Gees
Ek het goeie gees
Op die veld, verhoog en in die klas – ek moedig my span aan en is trots om deel te wees.
Anti-Boelie
Ek boelie nie
Ek gebruik my woorde en hande om te bou, nie af te breek nie. Kruiners staan op vir mekaar.
Ambassadeur
Ek verteenwoordig my skool
Waar ek ook kom – die winkel, die veld, die kerk – dra ek Helderkruin se naam met trots.
Trots
Ek is 'n Kruiner
Ek is trots om deel te wees van hierdie familie. Saam reik ons na die Kruin.
Wys jou Hart
By Laerskool Helderkruin glo ons dit is belangrik om te besef hoe geseënd ons is en om daardie dankbaarheid uit te leef deur iets terug te gee. Daarom het ons ’n spesiale inisiatief geskep wat net soveel warmte as omgee bring: Wys jou Hart.
Onder hierdie hartprojek val drie pragtige subprojekte wat ons gemeenskapsgees en medemenslikheid laat vlam vat:
Toebroodjieprojek
Elke dag sien ons Helderkruin-mammas in aksie – hulle smeer met liefde toebroodjies vir leerders wat dalk sonder ontbyt skool toe kom.
Kruiners in Nood
Onder leiding van juffrou Karen Grobler, versamel ons maandeliks kruideniersware vir gesinne wat 'n ekstra bietjie ondersteuning nodig het.
Kruiner Skatte
Ouers neem anoniem kinders "aan" wie se gesinne dit dalk nie kan bekostig om voluit deel te wees van skoolpret en verjaarsdae nie.
Kruiners vir Christus (KVC)
Elke Donderdagoggend om 07:00 vul ons skoolsaal met iets besonders – lof, gebed en geloof! Kruiners vir Christus, of soos ons dit noem, KVC, is ’n geestelike byeenkoms waar ál ons Kruiners welkom is om saam stil te raak en hul harte oop te maak vir God se Woord.
Ons nooi leraars van verskillende kerke in ons gemeenskap om inspirerende boodskappe met die leerders te deel. Dit is interaktief, lewendig en gevul met kragtige oomblikke van aanbidding en gesprek. Die kinders is lief daarvoor om saam te sing, vrae te vra en hul eie geloof te ontdek.
Hierdie kosbare geleentheid word met passie gereël deur juffrou Karen Grobler, saam met ’n toegewyde span: juffrou Hanli van Zyl, juffrou Melissa Bacon, en studente mnr. Jason van Wyngaardt en mnr. Franco Erasmus. Hulle harte brand vir Jesus én vir die kinders van Helderkruin.