Cordelia het in 2004 haar B. Kommunikasiepatologie (spraak-taalterapie en oudiologie)-graad cum laude aan die Universiteit van Pretoria voltooi en is bekroon met akademiese erekleure. In 2008 het sy haar Meestersgraad in Vroeë Kommunikasie Intervensie behaal. Sedert 2005 is sy in privaat praktyk en in 2015 het sy die Familie Terapie en Gehoorsentrum gestig — 'n multidissiplinêre sentrum waar hulle holisties en met passie kinders en volwassenes ondersteun.

“Choose encouragement over criticism, grace over judgement and faith over fear.

Spraak- en Taalterapie

• Spraaksiftings (skole)
• Pediatriese en volwasse spraakterapie
• Neonatale terapie (hoësorgeenheid)
• Vroeë kommunikasie intervensie
• Artikulasie- en fonologiese terapie
• Taal- en taalleerterapie
• Stemterapie (kinders en volwassenes)
• Ouditiewe prosesseringsintervensie
• Gehoorsiftings & diagnostiese gehoorevaluasies
• Gehoorapparaatpassing en -diens

Chantelle bied geïntegreerde opvoedkundige terapie aan om die onderliggende oorsake van leerprobleme aan te spreek eerder as om net die simptome te behandel. Sy gebruik NILD Opvoedkundige Terapie® — 40 minute intensiewe sessies per week, individueel of in klein groepe — om studente te help om gereedskap vir onafhanklike leer te ontwikkel.

Wat bied Grounded Love Therapy?

• Geïntegreerde Opvoedkundige Terapie
• Bewegingsterapie
• Leesterapie
• Spelterapie
• Akademiese toetsing en assessering
• Skoolgereedheidsassessering
• Disleksie-ondersteuning

Nadine spesialiseer in die evaluering, diagnose en behandeling van spraak-, taal- en kommunikasie-uitvalle by kinders en volwassenes. 'n Tipiese sessie sluit 'n deeglike assessering in van die individu se huidige spraak- en taalvermoëns, gevolg deur geteikende aktiwiteite. Speletjies, visuele hulpmiddels en interaktiewe metodes word gebruik om leer maklik en aangenaam te maak. Positiewe versterking word deurentyd gegee, en weeklikse huiswerk word ná elke sessie verskaf.

Wanneer om jou kind te verwys

• Onduidelike spraak of swak mondspierbeheer
• Probleme met die korrekte uitspraak van spraakklanke
• Onvlotte spraak (soos hakkel)
• Moeilikheid met begrip van stories en instruksies
• Deurmekaar sinskonstruksies of beperkte woordeskat
• Moeilikheid om 'n storie in die regte volgorde te vertel
• Probleme met lees- en spelvaardighede

Minke is in privaat praktyk sedert 2009. Sy het haar BA(Maatskaplike Werk)-graad in 1996 aan die Potchefstroomse Universiteit voltooi, en haar Meestersgraad in Kliniese Maatskaplike Werk (Cum Laude) in 2010 aan UJ. Sy fokus op sosio-emosionele assessering en terapie, met 'n besondere belangstelling in kinders en gesinne. Haar speelkamer is 'n veilige, koesterende ruimte waar kinders hul emosies kan verwerk en nuwe, gesonde vaardighede aanleer.

Terapeutiese Benadering

• Kindgesentreerde spelterapie
• Bindings- en Traumaterapie
• Kognitiewe gedragsterapie (CBT)
• Somatiese ervaringsterapie
• Bi-laterale terapie
• Oplossingsgefokusde & Narratiewe terapie
• Kunsgesentreerde terapie
• Intensiewe ouerleiding & ouerskapsvaardighede

Corlezé help kinders om funksionele en skolastiese probleme te oorkom en selfvertroue te bou, sodat hulle hul volle potensiaal kan bereik in die aktiwiteite van die alledaagse lewe.

“Ons poog om ons kinders 'n regverdige kans te gee in die lewe, om hulle volle potensiaal te bereik, en om sonder vrees vir verwerping maar met selfvertroue hul daaglikse take aan te pak.

Funksionele areas in terapie

• Fynmotoriese vaardighede
• Perseptuele vaardighede
• Algehele funksionering in die klas
• Sensoriese sisteme
• Persoonlike onafhanklikheidstake
• Ontwikkeling en stimulasie van babas