Telefoon: (011) 764-2506
E-Pos: info@kruiners.co.za
  • Wapen

    Skoolwapen

    Aalwyn
    Die aalwyn is algemeen bekend vir sy volharding en uithouvermoë selfs onder die moeilikste omstandighede.

    Blomme
    Die blomme is in die vorm van pylpunte wat na bo reik. Dit versinnebeeld eerstens die gerigtheid op God en tweedens die strewe na hoër ideale. Die drie blomme versinnebeeld die drie elemente betrokke by skoolopleiding naamlik SKOOL, OPVOEDER en KIND.
    Blare
    Die twee kelkvormige blare wat half beskermend om die blomme vou, versinnebeeld die grondslag van ons opvoeding naamlik ons Christelike en Afrikaanse erfenis.
  • Ons Waardes

    Net soos ons wapen aandui is volharding en uithouvermoë selfs onder die moeilikste omstandighede vir alle Kruiners belangrik. Ons het ’n gerigtheid op God en ons strewe na hoër ideale. Die Skool, Opvoeder en die Kind vorm ’n hegte eenheid. Die skool bied ’n beskermde omgewing aan ons leerders met ’n grondslag van opvoeding in ons Christelike, Afrikaanse erfenis.

  • Visie en Missie

    Visie
    Die visie van Laerskool Helderkruin is om die bes toegeruste en positiewe leerder te produseer wat sal uitstyg in die gemeenskap, gegrond op die Christelike waardesisteem met Afrikaans as medium van onderrig.

    Missie
    Die missie van Laerskool Helderkruin is om elke kind te lei tot volle potensiaalontwikkeling. Daarmee saam streef die skool daarna om te alle tye ‘n gelukkige skoolgemeenskap te kweek en te bou.

    Die Missie-Slagspreuk is:

    Volle Potensiaalontwikkeling

  • Skoollied

    musieknoteHooggeleë teen die rante,
    Met ‘n uitsig ver en wyd,
    Staan ‘n skool deur Gods beplanning
    Daargestel op eie tyd.
    Laat die polsslag van ons mooie stad
    In ons are weerklank vind;
    Dat ons trots, dinamies voortbou –
    Heldkruin wees eensgesind.
    Laat ons kinders wat hier saamwerk
    In hul studies wyd te sien;
    Maar bo alles om met eerbied
    God en Vaderland te dien…
    God en Vaderland te dien.

  • Skoolure

    Aanvangstyd       :            07:30 (Graad RR/R-onderwyseres sal reeds op diens wees vanaf 06:45)

    Eerste pouse       :            09:43 – 09:59

    Tweede pouse     :            12:00 – 12:15

    Sluitingstyd         :            Graad RR/R         :  12:40 (Onderwyser sal op diens wees tot 13:40) (tot 26 Januarie 2018)

    Graad 1, 2 en 3       :  13:30

    Graad 4 tot 7        :  13:45

  • Kleredrag

    Kleredrag (klik hier vir foto’s)

    Dogters

    Somerdrag

    Blou geruite rokkie

    Kort blou “ski pants” onder die rokkie

    Kort blou skoolkouse (met skoolkleur-strepe)

    Swart skoolskoene of kaalvoet

    Winterdrag

    Grys langbroek of grys romp, wit langmouhemp met boordjiehals en blou skooldas.

    Dogters dra kort blou skoolkouse by langbroek en knielengte kouse (“bobby socks”) by grys romp.

    Geen broekiekouse by skoolrompe nie.

    Kort “ski pants” onder die rokkie.

    ‘n Blou skooltrui, blou skoolbaadjie of skoolwindjakker mag gedra word.

    Geen ander gekleurde baadjies of serpe word toegelaat nie.

    Geen Provinsiale sweetpakke mag gedra word nie.

    Serpe en handskoene in die skool se “blou”-kleur word toegelaat.

    Swart skoolskoene.

    Geen ringe of juweliersware, behalwe seëlringe, mag deur die dogters skool toe gedra word nie.  Horlosies is toelaatbaar en “Medic-Alerts”-kettinkies spreek vanself.  Oorringetjies (“sleepers” met ‘n maksimum dikte van 1,5mm) of –knopies word toegelaat indien dit goud of silwer is.  Oorkrabbetjies met ‘n siersteentjie of oorringetjies met ‘n gelukbringertjie (“charm”) word nie toegelaat nie.  Slegs een oorringetjie per oor word toegelaat.

    Seuns

              Somerdrag

    ‘n Grys kortbroek en wit kortmouhemp met oopslaanhals.

    Swart skoolskoene of kaalvoet.

    Winterdrag

    ‘n Grys langbroek, wit langmouhemp met boordjiehals en ‘n blou skooldas.

    Blou skooltrui, blou skoolbaadjie of skoolwindjakker.

    Geen ander gekleurde baadjies of serpe word toegelaat nie.

    Geen Provinsiale sweetpakke mag gedra word nie.

    Serpe en handskoene in die skool se “blou”-kleur word toegelaat.

    Swart skoolskoene.

     

    Klereleweransiers

              Budget School Wear    – Wendy         –  082 789 1425

              Antoinettes Uitrusters –  Witpoortjie  –  011 955 2285

    Viva Sport                   –   Florida       –  011 672 7562

     

    Klerebank

    Tweedehandse klere beskikbaar by klerebank.

    Kontak:   Elouise van Zyl       –           011 764 2506/7